Украиналық боксшы Сергей Деревянченко Нью-Йоркте екі әлем титулы үшін қазақстандық Геннадий Головкинмен жекпе-жекке шығып, ұтылып қалды. Бірақ ол өзі жеңілдім деп ойламайды, деп жазады Sports.kz.
- Мен жеңдім. Оны сезіп тұрмын. Мұны бүкіл әлем көрді. Кешіріңіздер, бірақ кеше біртүрлі нәрсе болды. Мені қолдайтын барлық адамға көп рақмет! - деді Деревянченко.
Ол өзінің бұл мәлімдемесін Инстаграмдағы парақшасына да жазып қойды.
Оқи отырыңыз: "Күңіреніп...". Головкинге көрермендердің мінез көрсеткен видеосы жарияланды
Айта кетсек, 6 қазанда Деревянченко бірінші раундта нокдаунға түсіп, ойын соңында төрешілердің бірауыз шешімімен Головкиннен жеңіліп қалды. Содан кейін қазақстандық реваншқа дайын екенін мәлімдеді. DAZN платформасының көшбасшыларының бірі Эдди Херн де қарсы матч ұйымдастыруға дайын екенін айтты.
