Александр Лукашенко Қазақстанға ресми сапармен келді. Беларусь Республикасы Президенті мінген ұшақ "Нұрсұлтан Назарбаев" әуежайына қонды, деп хабарлады БЕЛТА.
Ұшақтан түскен Лукашенконы Қасым-Жомарт Тоқаевтың өзі қарсы алды.
25 қазанда Мемлекет басшылары ресми келіссөздер өткізеді. Олар сауда-саттық әрі экономикалық ынтымақтастыққа баса назар аудара отырып, мемлекетаралық қатынастарды дамыту мәселелерін талқылайды. Президенттер экономиканың түрлі салаларындағы, соның ішінде ауыл шаруашылығы, көлік және логистика, мұнай-химия кешені және жоғары технологиялық индустрия саласындағы әріптестікті өрістетін өндірістік кооперацияны кеңейту перспективаларын қарастырады. Келіссөздердің қорытындысы бойынша екіжақты бірқатар келісімге қол қойылады деп күтілуде.