Атмосфералық фронталды бөліктердің өтуімен Қазақстанның басым бөлігінде тұрақсыз ауа-райы сақталады, кей жерлерінде жауын-шашын жаңбыр және қар түрінде жауады, тек республиканың оңтүстігі мен батысында жауын-шашынсыз болады, деп хабарлайды Zakon.kz Қазгидрометке сілтеме жасап.
Кей жерлерде екпінді жел, тұман, көктайғақ, жаяу бұрқасын күтіледі.
Ақмола, Қарағанды, Шығыс Қазақстан, Павлодар облыстарының кей жерлерінде тұман, көктайғақ, жаяу бұрқасын күтіледі, жел 15-20 м/с, күндіз Ақмола облысында 23 м/с дейін күшейеді.
Солтүстік Қазақстан облысының кей жерлерінде - тұман, көктайғақ, жаяу бұрқасын, басым бөлігінде жел 15-20 м/с, күндіз екпіні 23 м/с дейін күшейеді.
Алматы, Жамбыл, Қызылорда, Манғыстау, Атырау, Батыс Қазақстан, Қостанай облыстарының кей жерлерінде тұман, Алматы облысының кей жерлерінде көктайғақ күтіледі.