"Манчестер Юнайтед" футбол клубының ойыншыларына ауа-райына байланысты Нұр-Сұлтан көшелеріне 10 минуттан артық уақытқа шықпау туралы кеңес берілді, деп хабарлайды Zakon.kz ESPN FC-ке сілтеме жасап.
"Манчестер Юнайтед" футболшылары Еуропа лигасы аясындағы матчын өткізу үшін Қазақстанның астанасы – Нұр-Сұлтан қаласына келеді. Ол күндері Нұр-Сұлтанда шамамен 20 градус аяз болады деп күтілуде.
Ойынның өзі 28 қарашада 30 мың көрермен сыйдыратын жабық стадионда өтеді. Команданың барлық мүшелері мен қызмет көрсететін персоналға қажетсіз көшеге шықпау туралы ескерту жасалған.