Бүгінгі таңда нарық субъектілері нан, ет және басқа да әлеуметтік маңызы бар азық-түлік өнімдерін саудалауда бағаны қасақана бірлесе көтергені үшін 110 ескерту-хабарлама жолданған. Бұл туралы Бәсекелестікті қорғау және дамыту комитетіндегілер айтты, деп хабарлайды zakon.kz.
Сонымен, ет нарығында 17 көтерме тасымалдаушыға ескерту берілді: Нұр-Сұлтан - 5, Жамбыл облысы - 3, Алматы - 1, Шымкент - 8.
Нан нарығында 63 нарық субъектіге ескерту хат берілді: Ақтөбе облысы - 4, Ақмола облысы - 7, Атырау облысы - 8, Павлодар облысы - 20, Жамбыл облысы - 14, Қарағанды облысы - 3, Батыс Қазақстан облысы - 5, Алматы аймақ - 1. Оның 45-і жіберген қателерін жөндеді.
- 73 ескерту жасаған нарық субъектілері өз еркімен бағаны түсірді. Ал ескертуге қарамастан бағаны сол күйі ұстаған 5 нан және құс етін өндірушілерге қатысты тергеу жүргізіліп жатыр, деп хабарлады департаменттегілер.
Мемлекеттік органның және ресми түрде бағаның өскенін жариялаған нарық субъктісінің 7 лауазымды тұлғасына сөгіс жарияланып, қатаң ескерту жасалды.
- 21 қарашада бүкіл республика бойынша монополияға қарсы орган : "Рамстор", "Астықжан", "Кенмарт", "Smal"», "Magnum Caskery", "Metro Caskery сынды сауда желілеріне ,25 көтерме тауар тасымалдаушысы мен 67 тауар өндірушілерге қосымша 80 ескерту хабарламасы жолданды, - деп атап өтті комитеттегілер.
- Қазіргі уақытта барлығын қосқанда 183 хабарлама жолданған. Бұл бағыттағы жұмыстар әлі жалғасын табады.
Монополияға қарсы комитеттің хабарлауынша, 10 күн ішінде бұл хабарламалар орындалмаса, аталған нарық субъектілеріне қатысты тергеу ісі қозғалады.
Ал егер қасақана бағаны бірлесіп көтеру фактісі анықталса нарыққа қатысушыларға алынған кірістің 1-ден 5 процентіне дейінгі көлемде айыппұл салынып, әкімшілік жауапкершілікке тартылады.
