Исламбек Қуат енді "Оренбургте" ойнайды

Оның трансферлік құны – екі миллион евро.

Футболдан Қазақстан құрамасының жартылай қорғаушысы Исламбек Қуат жақын арада ресейлік "Оренбург" ойыншысы атанады, деп хабарлайды "Урал56.Ру".

26 жастағы Қуат ресейлік клубқа еркін агент ретінде ауысып, қысқы трансферлік терезеде "Оренбургке" келген алғашқы ойыншы болмақ. Transfermarkt деректерінше, бұл футболшының құны 2 миллион евроға бағаланады. Ал "Оренбург" РПЛ-дің 19 турынан кейін 12-ші орында келеді.