Киевтің "Динамосы" қазір алматылық "Қайратта" жүрген шабуылшы Адеринсола Эсеоланы қайтарып алмақ ниетте, деп хабарлайды Vesti.kz.
28 жастағы шабуылшы 2009/10 жылғы маусымда "Динамо" сапында болған еді, бірақ киевтіктердің негізгі құрамына іліге алмай кеткен. Енді Эсеоланың трансфері үшін "Динамо" 3,5 миллион евро төлеуі тиіс болады.
Өткен маусымда Эсеола ҚПЛ-2019-дың үздік мергені атағын "Астананың" жартылай қорғаушысы Марин Томасовпен бөлісті. 27 матчта "Қайрат" шабуылшысы 19 доп соққан болатын.
Маусым аяғында "Қайрат" Эсеоламен келісімшартты 2021 жылдың соңына дейін созғанын жария еткен.