ҚР Премьер-министрінің орынбасары Бердібек Сапарбаев, ҚР Парламенті Сенатының төрайымы Дариға Назарбаева төрағалық еткен комиссия ұсынысымен Сұлтанмахмұт Торайғыров атындағы Павлодар мемлекеттік университетінің ректоры болып Мейрам Мұхаметрақымұлы Бегентаевты тағайындалды, деп хабарлайды zakon.kz университеттің баспасөз қызметіне сілтеме жасап.
Жаңа басшыны ұжымға ҚР БҒМ Жоғары және жоғары оқу орнынан кейінгі білім беру департаментінің директоры Ержан Іргебаев таныстырды.
Мейрам Мұхаметрақымұлы әр жылдары жауапты жетекшілік лауазымдарда қызмет етті. С. Торайғыров атындағы ПМУ стратегиялық жоспарлау, әлеуметтік және тәрбие ісі жөніндегі проректор қызметін атқарды. 2012-2016 жылдары ҚР Парламенті Мәжілісінің депутаты болды. Ол, сонымен қатар, Павлодар облысы әкімінің орынбасары қызметін атқарды.
2019 жылдың сәуір-желтоқсан айлары аралығында С. Торайғыров атындағы ПМУ ректорының міндетін атқарды.
