Қытайда дәрігерлер коронавирустан сауығып, ауруханадан шығарылған науқастарда коронавирустың қайта пайда болып жатқанын анықтады, деп хабарлайды "Хабар-24".
Бұл жағдайдың коронавирустық инфекцияның қайталануы немесе қайтадан жұқтыру екені, әзірге белгісіз.
Коронавирусты емдеу жөніндегі медициналық топтың жетекшісі, профессор Чжао Цзяньпиннің айтуынша, вирус денеден толық жойылмауы немесе антителдер жеткіліксіз шығарылуы мүмкін. Ол осыған байланысты ауруханадан шығарылған науқастардың тағы 14 күндік қосымша карантинге алынуы керек екенін айтты.