Мемлекет басшысы "Қазақстан Республикасының кейбір заңнамалық актілеріне Қазақстан Республикасында бейбіт жиналыстарды ұйымдастыру және өткізу тәртібі мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды, деп хабарлайды zakon.kz.
Атап айтқанда, заңда аудандардың, республикалық маңызы бар қаланың, астананың орталық бөліктерінде және облыстардың әкімшілік орталықтарында бейбіт жиындарды ұйымдастыруға және өткізуге қажетті мамандандырылған орындар ұсыну қарастырылған. Бейбіт жиынды мынандай негізбен өткізуден бас тартуға болады: тіршілік нысандарының, көліктің және басқа инфрақұрылымдардың жұмысының бұзылуына түрткі болса.
Бейбіт митинг кезде тәртіп бұзушылықпен көзге түскендер келесіне қатыстырылмайтын болады.