Алматыда коронавирус инфекциясының 25 жаңа жағдайы тіркелді, деп хабарлайды zakon.kz.
27 мамырда қалада коронавирус жұқтырған 25 адам тіркелді. Оларға ПТР зерттеулерінің нәтижелері бойынша диагноз қойылды. 8 науқас профилактикалық тексеруден өту кезінде, 12-сі байланыс шеңберінен анықталған, тағы біреуі басқа елден келген, 4-еуі жұмыс орнынан анықталды. Олардың барлығы қаладағы жұқпалы аурулар ауруханасына жатқызылды.
Науқастардың жағдайы қанағаттанарлық деңгейде, емдеу бекітілген хаттамаға сәйкес жүргізіледі. Дезинфекция шаралары індет ошақтарында жүргізіледі.
27 мамырдағы мәлімет бойынша, қалада 2 378 коронавирус инфекциясын жұқтыру дерегі тіркелді, оның 1 345-і емделіп, жазылды.
