Лондондағы қор биржасында Brent маркалы мұнайдың қаңтардағы фьючерстерінің құны 3,82%-ке өсіп, бір баррелі 44,02 долларды құрады, деп хабарлайды zakon.kz ТАСС-қа сілтеме жасап.
Бұған сауда алаңындағы Нұр-Сұлтан уақытымен 03: 55-тегі мәліметтері дәлел.
Мәскеу уақытымен 01: 05-ке қарай Brent маркалы мұнай бағасының өсімі іске қосылып, басында 43,99 доллардан сатылды (+ 3,75%). WTI маркалы мұнай барреліне 3,64% өсіп, 42,1 долларды құрады.
Соңғы рет биыл 4 қыркүйекте Brent маркалы мұнайдың бір баррелі 44 доллардан жоғары сатылған еді.
Brent мұнайы АҚШ Энергетика министрлігінің есебін жариялау кезінде қымбаттай бастады. Министрлік Brent маркалы мұнай бағасының 2020 жылға арналған болжамында бір баррелдің құнын 41,19 доллардан 40,61 долларға дейін төмендетті. Министрліктің хабарлауынша, 2021 жылы баға 46,59 доллар деңгейінде белгіленеді.