Ресей мұсылмандары діни басқармасы әртүрлі дін өкілдерінің бір-бірімен некелесуіне болмайды деген ұйғарым шығарды, деп хабарлайды zakon.kz centralasian.org-ке сілтеме жасап.
"Мұсылмандарға әртүрлі дін өкілдеріне, атап айтқанда христиан мен еврейлерге үйленуге болмайды. Тек жергілікті мүфтидің шешімімен өте сирек жағдайда ғана рұқсат етіледі", - делінген құжатта.
Дін өкілдерінің пікірінше, діні өзге әйел адам Иса мен Мұхаммед пайғамбардың Алланың жіберген елшісі екенін мойындап, Құранда жазылғандармен жүретін болса ғана мұсылманға күйеуге шыға алады.
Исламтанушы, профессор Роман Силантьев бұл шешімге қатысты Интерфакс агенттігіне сұқбат беріп, исламның сүннит тармағында төрт шариғат заңы бар екенін түсіндірді. Олардың үшеуі мұсылман еместермен некеге тұруға тыйым салынған. Бірақ ханафи мазхабында рұқсат етілген.
"Ресей мұсылмандары діни басқармасының шешімі ханафи мазхабына қарсы келеді. Ресейде мұсылмандардың дені осы мазхабты ұстанады. Оның үстіне бүкіл мұсылмандардың атынан мұндай шешім шығару дұрыс емес", – деді ол.