Алматы қаласының бас санитарлық дәрігері Жандарбек Бекшиннің жаңа қаулысы шықты. Онда сауда ойын-сауық орталығы мен кафе, мейрамхана мен базарлардың жұмысына шектеулер енгізу жайы қамтылған, деп хабарлайды zakon.kz.
Қарарға 28 қаңтарда қол қойылды.
Онда:
коронавирус инфекциясының барлық формадағы КВИ науқастарды міндетті түрде госпитализациялау туралы;
жұмыс күндері сауда-ойын-сауық орталықтарының, сауда үйлері мен сауда желілерінің қызметін сағат 10.00-ден 20.00-ге дейін шектеу, ал демалыс күндері олардың жұмысына мүлде тыйым салу;
сенбі мен жексенбіде жабық базарлардың жұмысына тыйым салу, ал жұмыс күндері сағат 17.00-ге дейін рұқсат ету;
9: 00-ден 20: 00-ге дейін қоғамдық тамақтану объектілерінің қызметін шектеу (толымдылық деңгейі 50% -дан аспайды, әр үстелге 4 орыннан рұқсат беріледі, әлеуметтік арақашықтықты, маска режимін, термометрияны сақтау) ;
сауда және ойын-сауық орталықтары мен сауда үйлерінде орналасқан тамақтандыру орындары мен футкордтардың жұмысын шектеу жайы қарастырылған. Олар сағат 7: 00-ден 20: 00-ге дейін алдын ала жазылу арқылы тек дайын тамақты үйіне жеткізу бойынша қызмет ете алады.
