Денсаулық сақтау министрлігі Медициналық және фармацевтикалық бақылау комитеті төрағасының орынбасары Нұрлыбек Асылбеков QazQovid-In вакцинасының алғашқы партиясын өндіріп шығаратын уақытты жариялады, деп хабарлайды zakon.kz.
QazQovid-In-ді Биологиялық қауіпсіздік мәселелері ғылыми-зерттеу институты әзірлеп жатқанын білесіздер. Ол - Қазақстан Республикасы Білім және ғылым министрлігінің құрылымы. Олардың мәліметтері бойынша, бүгін бәрі жоспар бойынша жүріп жатыр, - деп сендірді Асылбеков брифингте.
Ол клиникалық зерттеулердің 1-2 кезеңі аяқталғанын және үшінші кезең 2020 жылдың желтоқсан айының соңында басталғанын еске түсірді.
Сондықтан, барлығы жоспар бойынша жүріп жатыр. Вакцина сәуір айының соңына дейін шығарылады деп күтілуде. Алғашқы көлемі - 50 мың, одан соң бұл көлем ұлғая түседі. Технологиялық трансферттерді өткізу арқылы басқа да ірі көлемді өндіруге мүмкіндіктер бар. Осы жағынан алғанда, алғашқы өнеркәсіптік партияның өндірілуі сәуірдің аяғында келеді деп күтіледі, - деді Асылбеков.