Сот үкімімен 4 жыл бас бостандығынан айыру жазасы тағайындалып, 4 жыл шартты сынақ мерзімге сотталған азамат пробациялық бақылау тәртібін бірнеше рет бұзғаны үшін, темір торға жабылды.
Бұрын бірнеше рет сотты болған.
Сот үкімін орындау үшін Катонқарағай аудандық №2 пробация қызметіне есепке алынып, 4 жылға пробациялық бақылау қойылған. Катонқарағай пробация қызметінің қызметкерлері сотталғанға жаза өтеу кезінде түрлі әлеуметтік көмектер көрсетіп, өзге ұйымдармен бірлесе қайталама қылмыс жасамау және әкімшілік құқық бұзушылықтармен, сот үкімімен жүктелген міндетттерді сақтап, пробация қызметінің талаптарын бұзбау туралы тәрбиелік сұхбаттар жүргізіп ескертілген.
Алайда, жүргізілген қылмыстың және де қандайда бір құқық бұзушылықтың алдын алу жөніндегі жұмыстарға қарамастан, сотталған өзіне оң нәтиже шығармай, сотпен жүктелген міндеттерді орындамай және пробация қызметінің талаптарын сақтамай, алькогольді ішімдік ішіп алып өз отбасының тыныштығын бұзған.
Сотталған өзінің жазасын толық түсінбегендіктен және сот үкімінің жүктеген міндеттерін бұзып соттың сенімін ақтамай, пробация қызметінің талаптарын орындамағаны үшін, шартты сынақ мерзімінің күшін жойып, сот үкімімен тағайындалған жазасын нақты орындау туралы үшін сотқа жолдады. Сот шешімі бойынша шартты сынақ мерзімінің күшін жойып, сот үкімімен тағайындалған жазасын нақты орындау туралы қаулы шығарды. Сотталған сот залынан қамауға алып, 4 жылға темір торға жабылды,- деді пробация қызметінің инспекторы әділет аға лейтенанты Данияр Ануарбекулы.
