Наурыз айының 24-інен бастап Жайық-Каспий бассейіні бойынша көктемгі балық аулау маусымы басталды, деп хабарлайды zakon.kz.
Атырау облыстық балық шаруашылығы басқармасының басшысы Артур Сәдібекұлының айтуынша, көктемгі балық аулау маусымына 18 балық шаруашылығы кәсіпорындары жұмылдырылды.
Оның екеуі — бекіре балық өсіру зауыты.
Жайық-Каспий бассейіні бойынша биылғы көктемгі мауысымда табиғат пайдаланушылар 13 000 тоннаға жуық балық аулауы тиіс. Балық аулау маусымында 4500 жуық адам тұрақты және маусымдық жұмыспен қамтылады, деді балық шаруашылығы басқармасының басшысы.