УЕФА Еуропа Лигасының финалын Қазақстанда "Qazaqstan" телеарнасы тікелей эфирде көрсетеді, деп хабарлайды zakon.kz.
Футболдан УЕФА Еуропа Лигасының финалында испаниялық "Вильярреал" мен ағылшындық "Манчестер Юнайтед" клубтары кездеседі.
Маусымның басты матчы Польшаның Гданьск қаласындағы "Энерга Гданьск" стадионында өтеді. Ойынды Клеман Турпен бастаған француздықтар төрелік етеді.
Жеңіске жеткен команда 2022 жылғы Чемпиондар Лигасының топтық кезеңіне жолдама алады.
Ойын бүгін түнде сағат 00:50-де басталады.
