"Вильярреал" Еуропа лигасының жеңімпазы атанды, деп хабарлайды zakon.kz Vesti.kz-ке сілтеме жасап.
Польшаның Гданьск қаласында өткен финалда Испанияның "Вильярреалы" мен Англияның "Манчестер Юнайтеді" ойнаған.
Матчтың негізгі уақыты 1:1 есебімен тең аяқталды. Голдарды Х.Морено, 29 (1:0) және Кавани, 55 (1:1) соқты.
Қосымша уақытта гол салынбай, финалдық матч пенальти сериясына дейін жетті. Онда испаниялық клубтың жолы болды.
"Вильярреал" Еуропа лигасының осы маусымында бір рет те жеңілмеген клуб болды.