Сабр Сайлаубекұлы Есімбеков Қазақстанның Жапониядағы Елшісі болып тағайындалды, деп хабарлайды zakon.kz.
Сабр Есімбеков 1964 жылы 27 тамызда Алматы қаласында дүниеге келген.
КСРО СІМ Мәскеу мемлекеттік халықаралық қатынастар институтын; КСРО ҒА (РҒА) Шығыстану институтының Жапон зерттеулері орталығын; Йокогама мемлекеттік университетін бітірген.
Өзінің дипломатиялық мансабын 1995 жылы Қазақстан Республикасының Жапониядағы Уақытша сенімді өкілі қызметінен бастаған. 1997-2000 жылдары Қазақстанның Жапониядағы елшілігінде бірінші хатшы ретінде жұмыс істеді.
2000 жылдан 2012 жылға дейін мұнай-газ компаниялары мен инвестициялық холдингте әртүрлі басшылық лауазымдарды атқарды.
2012-2014 жылдары Қазақстан Сауда-өнеркәсіп палатасының президенті болды.
Қазақстанның Жапониядағы елшісі болып тағайындалғанға дейін "АЛМЭКС" Холдингтік тобы" АҚ Басқарма төрағасының орынбасары болды.
II сыныпты екінші хатшы дипломатиялық дәрежесіне ие.
