Нұр-Сұлтанның бас мемлекеттік санитарлық дәрігері Сарқыт Бейсенова қаладағы эпидемиологиялық жағдайдың мән-жайын айтты, деп хабарлайды zakon.kz тілшісі.
Елордада COVID-19 эпидемиялық жағдай аурушаңдық деңгейінің төмендеуімен тұрақтанып жатыр. Аурудың төмендеу қарқыны өсіп келе жатқанын, бірақ өте баяу екенін атап өткім келеді. Соңғы үш аптада біз орта есеппен 10% -дан 19% -ға дейін деңгейді тіркедік. Сонымен бірге іс жүзінде тіркелген ауру көрсеткіштері коронавирусқа қатысты қолайсыз эпидемиологиялық ахуал әлі барын көрсетеді, - деді Сарқыт Бейсенова әкімдікте өткен брифингте.
Ол қаланың "қызыл" аймақта әлі де қала беретінін атап өтті. Бүгінгі таңда тәулігіне 70-тен 200-ге дейін коронавирус инфекциясына шалдығушылар тіркеледі.
100 мың адамға шаққандағы апталық көрсеткіш мамыр айымен салыстырғанда 210-дан 110-ға дейін төмендеді. Бір апта ішінде COVID-19 ауруының 1 315 жағдайы тіркелді. Ауру деңгейі өткен аптаға қарағанда 18% төмен, - деді қаланың бас санитарлық дәрігері.
Бір тәулік ішінде қала бойынша 203 ковид науқас тіркелді, оның 53-і - белгісі білінбейтіндер.