Қазақстан Республикасы Президенті Протокол қызметінің басшысы болып Дмитрий Михно тағайындалды, деп хабарлайды zakon.kz.
Мемлекет басшысының өкімімен Дмитрий Леонидович Михно Қазақстан Республикасы Президентінің Протокол қызметінің бастығы лауазымына тағайындалды, - делінген Ақорданың ресми хабарламасында.
Бұған дейін бұл қызметті Мәди Атамқұлов атқарған.
Бірқатар бұқаралық ақпарат құралдары Михноны Қазақстан Республикасының Ресей Федерациясындағы елшілігінің кеңесшісі болған деп хабарлады.
Сондай-ақ, Қасым-Жомарт Тоқаев Қазақстан Республикасы Президентінің Протоколын Қазақстан Республикасы Президентінің Протокол қызметі болып өзгертілген Жарлыққа да қол қойды.