Синоптиктер 27-29 шілде аралығындағы ауа-райы болжамымен бөлісті, деп хабарлайды zakon.kz.
Қазақстанның солтүстігінде аптап ыстықтың беті қайтып, сынап бағаны ақырындап төмендей бастайды деп күтіледі.
Аптаның басында Мәскеу аумағынан келетін антициклон еліміздің көп бөлігіне әсер етеді.
Осыған байланысты салқын ауа массалары жылжып келіп, сынап бағанының төмендеуіне әкеліп соғады. Негізінен жауын-шашынсыз ауа-райы күтіледі. Түн салқын, ал күндізгі температура ыңғайлы болады деп болжанады. Ал республика аумағындағы ауа-райды төмен қысымды алаң анықтайтын болады. Осы жағынан алғанда, 28 шілдеде батыс пен шығыста, 28-29 шілдеде Қазақстанның солтүстігі, солтүстік-батысында және оңтүстік жартысында, 29 шілдеде орталықта, күн күркіреп, екпінді жел соғып, бұршақ аралас өткінші жаңбыр жауады деп болжанады, деп хабарлайды "Қазгидромет" РМК.
Еліміздің солтүстік-батысы мен солтүстігінде ауа температурасының төмендеуі күтіледі: түнде 8-16, ал күндіз 17-30 градус, орталықта және шығыста түнде 8-18, күндіз 22-30 градус болады.
