Дүниежүзілік денсаулық сақтау ұйымы Иммундау департаментінің басшысы Кейт О'Брайен мектептер ашық болуы керектігін, ал коронавирусқа қарсы вакцина алмау білім беру мекемелеріне баруға кедергі келтірмеуі тиіс екенін айтты, деп хабарлайды zakon.kz ТАСС -қа сілтеме жасап.
Оның айтуынша, мектептер ашық болуы керек. - Сабаққа тек вакцина алған балалар жіберілсін деген сияқты талаптар болмауы керек. Вакцина алмау мектепке баруға кедергі болмауы тиіс.
Сонымен қатар, сарапшы вакциналау кезінде халықтың ең осал топтарына, оның ішінде қарттарға, созылмалы аурулары бар адамдарға және медицина қызметкерлеріне басымдық беруге шақырды.
Жасөспірімдерге келетін болсақ, бұл топта, әдетте ауру ауыр күйде жүрмейді, деп баса айтты О'Брайен. Дегенмен, созылмалы аурулары бар жасөспірімдерді басым топтарға жатқызу керек.