Алматы қалалық Сантарлық-эпидемиологиялық бақылау департаменті Ауғанстаннан келген қазақстандықтар мен БҰҰ қызметкерлерінің карантинге оқшауланғанын жеткізді, деп хабарлайды zakon.kz.
19 тамызда Кабулдан Алматыға екі рейс келгені хабарланды. Бірінші ұшақта Қазақстанның 27 азаматы (оның ішінде алты бала) және Қырғызстанның 15 азаматы болған. Қырғыздар бірден әуежайдан туған жеріне ұшып кетті, ал қазақстандықтар Shera Inn қонақ үйіне орналастырылды.
Екінші рейспен БҰҰ дипломатиялық миссиясының 135 мүшесі ұшып келді. Олардың арасында Ауғанстан азаматтары болған жоқ. Олар Rixos қонақ үйіне орналастырылды.
22 тамызда Кабулдан Алматыға БҰҰ-да жұмыс істейтін 108 адам келді. Олар Intercontinental қонақ үйіне орналастырылды.
Келгендердің барлығы ПТР-тест өткізіп, COVID-19-ға тексерілді. Олардың ешқайсысынан инфекция анықталмағаны атап өтіледі.