Жапонияда волейболдан ерлер арасындағы ХХІ-ші Азия біріншілігі өтіп жатыр, деп хабарлайды zakon.kz.
Қазақстан волейболшылары Фунабаши аренасында екінші турда Азияның төрт дүркін чемпионы - Оңтүстік Корея құрамасымен ойнады. Қазақтар алғашқы кездесуде Тайпейден ұтылғаны аздай, бұл жолы да сәтсіздікке ұшырады.
Үш ойында да кәрістер басым болды - 25:21, 25:17, 25:16.
Енді Қазақстан кіші топтағы соңғы ойынын - 14 қыркүйек күні таңертең Сауд Арабиясымен өткізбек. Қазақстандық волейболшылар екі кезеңнен өтсе де "D" тобының турнирлік кестесінде бір де бір ұпай жинай алмады. Кіші топтың екі үздік командасы плей-оффқа өтеді.
Қуандық Шыгаслов, Жайна Тәттімбетова