Алматының қоғамдық денсаулық басқармасының басшысы Нариман Табынбаев Pfizer вакцинасы қалаға қашан келетінін айтты, деп хабарлайды zakon.kz.
Pfizer вакцинасы 4 тоқсанда жеткізіледі деп жоспарланған болатын. Алматыда 20 қазаннан кейін болады дегенбіз. Алматыға әзірге 130-дан 160 мың дозаға дейін вакцина әкелу жоспарланған. Бірақ Алматы үшін әлі де квота бөлу жағынан нақтылау жүргізілуде, - деп жауап берді ол Орталық коммуникациялар қызметінде өткен брифингте.
Бұған дейін хабарланғандай, ҚР Денсаулық сақтау министрлігі Pfizer вакцинасының 4 миллион дозасын алу туралы келісімге қол қойған.