"Қорғастың" қазақстандық бөлігі Ashyq жүйесінің көмегімен табыс таба алады. Бұл туралы LS-ке Халықаралық шекара маңы ынтымақтастығы орталығы басқарушы компаниясынан хабарлады.
Орталықтың ақпаратына сәйкес, қазіргі уақытта Ashyq жобасы аясында ашылу мәселесі пысықталуда. Сондай-ақ, Қазақстан аумағында орналасқан екі сауда үйін іске қосу жоспарлануда.
Компанияның болжамы бойынша 2021 жылы орталықтың толық ашылуы күтілмейді.
"Пандемия басталғанға дейін және орталық жабылғанға дейін Қазақстан тарапынан орташа келушілер саны тәулігіне 3-6 мың адам шегінде болды. Ал Қытай тарапынан тәулігіне 10 мың адамға дейін жетті. 2019 жылы орталыққа 4,5 млн-ға жуық адам келді. Оның ішінде Қазақстан тарапынан – 1,2 млн адам, Қытай тарапынан – 3,2 млн адам. Қазіргі уақытта оның жабылуына байланысты келушілер жоқ. Орталық инвестициялық жобаларды жүзеге асыру үшін ғана ашық", - деп атап өтті "Қорғаста".
Ұйымның мәліметінше, осыған байланысты шығындар басқарушы компанияда да, орталық аумағындағы кәсіпкерлерде де өсуде.
Естеріңізге сала кетейік, пандемия "Қорғас" халықаралық шекара маңы ынтымақтастығы орталығын миллиардтарсыз қалдырды.
