Көкшетау мектептерінің бірінде мұғалім бірінші сынып оқушылары үйдегі дәптерлерді ұмытпауы үшін 12 оқушының маңдайына "дәптер" деп жазып жіберген, деп хабарлайды zakon.kz.
Sputnik Қазақстан мәліметінше, оқиға 18 қазанда №13 мектеп-гимназияда болған.
Мектеп директоры Светлана Ахметжанова атап өткендей, бұл мұғалімнің 27 жылдық кәсіби өтілі бар.
Оқиғадан кейін мұғаліммен әңгіме жүргізіліп, ол жұмыстан босатылды.
19 қазанда еңбек шарты біржақты тәртіппен бұзылды, деп түсіндірді мектеп-гимназия әкімшілігі.
Сондай-ақ оқу орнында қызметтік тексеру жүргізілді.
Қазіргі уақытта сыныпта оқу процесі жалғасуда. Балалармен психолог жұмыс істеді, ал ата-аналармен жиналыс өткізілді, деп қорытындылады облыстық Білім басқармасы.
Айта кету керек, кейбір ата-аналар мұғалімді жұмыстан шығармауды өтінді. Олардың пікірінше, ата-аналар балалардың тәрбиесіне назар аударып, мектепке дайындықты бақылауы керек.
Бақытжан Отарбаева