Қазақстанның алты облысы бойынша дауылды ескерту жарияланды, деп хабарлайды Zakon.kz.
"Қазгидромет" орталығының деректері бойынша, күндіз 13 қарашада Солтүстік Қазақстан облысының басым бөлігінде жауын-шашын (жаңбыр, қар) түсіп, солтүстікте, батыста көктайғақ, бұрқасын болады, түнде және таңертең батыста тұман түседі деп күтіледі. Оңтүстік батыстан жел соғады, түнде облыстың оңтүстік-батысында соққан желдің екпіні 15-20 м/с құрайды, күндіз - 15-20 м/с, оңтүстік-батыста желдің екпіні 25 м / с жетеді.
Түнде және таңертең Қарағанды облысының оңтүстігінде тұман түседі, күндіз солтүстік батыста көктайғақ, бұрқасын болады деп күтіледі. Оңтүстік-батыстан жел соғады, күндіз облыстың солтүстігінде соққан желдің екпіні 15-20 м/с жетеді.
Батыс Қазақстан облысының солтүстік батысында, солтүстігінде, шығысында көктайғақ, бұрқасын болады деп күтіледі. Оңтүстік батыстан солтүстік батысқа ұйытқи ойыса, жел соғады, облыстың солтүстігінде, шығысында желдің екпіні 15-20 м/с жетеді. Оңтүстік-батыстан жел соғады, екпіні 18 м/с жетеді.
Ақмола облысының солтүстік батысы мен оңтүстік шығысында көктайғақ, бұрқасын болады, түнде және таңертең солтүстік шығыста тұман болады деп күтіледі. Облыстың солтүстігінде, оңтүстік-шығысында оңтүстік-батыстан жел соғады, екпіні - 15-20 м/с, Көкшетауда таңертең және күндіз көктайғақ болады деп күтіледі.
Күндіз Қызылорда облысының солтүстік-батысында 15-20 м/с жылдамдықпен жел соғады.
Түнде солтүстікте, күндіз Ақтөбе облысының басым бөлігінде бұрқасын, көктайғақ болады деп күтіледі. Оңтүстік батыстан жел соғады, облыстың солтүстік жартысында жел екпіні 15-20 м/с дейін күшейеді, Ақтөбеде түнде көктайғақ болады. Жел оңтүстік батыстан соғады, екпіні - 15-20 м/с.