Мәслихат депутаты Ғабит Тәжімұратов Астананың жаңа ауданына атау беру мәселесін талқылау барысында бұл шараларға қанша қаражат қажет болатынын сұрады.
Мәслихат хатшысы Ерлан Қаналимов бұған жауап ретінде, әдетте, жаңа аудан әкімдігін құру үшін көп қаражат қажет еместігін айтты. Ол мысал ретінде Байқоңыр ауданы әкімдігінің құрылуын келтірді.
Бірақ кейін, талқылау барысында әкімдік өкілдерінің бірі техникалық-экономикалық негіздеме жасалғанын, алдын ала мәліметтер бойынша, Астананың жаңа ауданы әкімдігінің аппаратын құру үшін 390 миллион теңге қажет екенін айтты.
Бұған дейін Астананың жаңа ауданын «Нұра» немесе «Қараөткел» деп атау ұсынылып жатқаны белгілі болған.