15 маусымда сенатта өткен жалпы отырыста ол кейінгі жылдары бүкіл әлемде орман өртінің ауқымы артып келе жатқанын атап өтті. Үш жыл бұрын Қазақстанда 700 орман өрті, 2022 жылы 757 өрт, 2023 жылы 146 орман өрті тіркелді.
"Өртке қарсы қызметтің материалдық-техникалық қамтамасыз етілуіне келсек, қазір бізде 426 өрт сөндіру бөлімшесі бар екенін айтқым келеді. Бұл жеткіліксіз, бұл әлі де стандартқа сай емес, 121 бөлімше салу керек. Қазір бұл жоспарда. Қазір жол картасы бойынша 21 өрт сөндіру пункті салынып жатыр. Былтырдан бері жұмысты күшейттік".Ибрагим Күлшімбаев
Өрт сөндіру жүйесінде 3600 техника жетіспейді. Жабдықтардың 15%-ы немесе 470 бірлігінің қызмет ету мерзімі 20 жылдан асқан. Президенттің тапсырмасымен бұл мәселені шешу үшін кешенді жоспар қарастырылған. Қазір ол барлық мемлекеттік органмен келісіліп, қол қою сатысында тұр.
Ибрагим Күлшімбаев
Абай облысындағы өрт 8 маусымда қайта тұтанды. Кейінгі мәліметтер бойынша, 60 мың гектар орман өртеніп кетті. 14 адам қайтыс болды.
