Кадрлық тағайындау туралы ақпарат Қырғыз Республикасы Министрлер кабинетінің ресми сайтында жарияланды.
"Асылбаева Гүлшат Қадырқызы Қырғыз Республикасы Экономика және Коммерция министрлігі жанындағы Монополияға қарсы реттеу қызметінің төрағасы болып тағайындалды. Тиісті өкімге Қырғыз Республикасы Министрлер кабинетінің төрағасы Ақылбек Жапаров қол қойды", делінген хабарламада.
Гүлшат Асылбаева - этникалық қазақ, ол қазіргі Жамбыл облысында дүниеге келген. Ол бұған дейін ҚР Жогорку Кенештің депутаты болған.