Бұл туралы Президенттің баспасөз қызметі хабарлады.
"Мемлекет басшысының Жарлығымен Қайрат Ермекұлы Омаров Қазақстан Республикасының Біріккен Ұлттар Ұйымы жанындағы Тұрақты өкілі болып тағайындалды, ол бұрынғы атқарған лауазымынан босатылды",-делінген хабарламада.
Мемлекет басшысының тағы бір жарлығымен Ақан Рахметуллин қызметінен босатылды.
Қайрат Омаров 1963 жылы Өзбекстанда дүниеге келген. Алматы педагогикалық шет тілдер институтын бітірген; Ұлыбританияның Сыртқы істер министрлігінде тағылымдамадан өткен.
Еңбек жолын АПИИЯ оқытушысы болып бастаған. Әр жылдары Қазақстан Ғылым Академиясының тарих, этнография және археология институтының ғылыми қызметкері; Қазсовпрофтың референті; Қазақстан Республикасының АҚШ-тағы Елшілігінің бірінші хатшысы, кеңесшісі; Қазақстан Республикасының АҚШ-тағы Елшілігінің кеңесші-елшісі (1998-2004); Қазақстан Республикасының Үндістандағы, Шри-Ланка Демократиялық Социалистік Республикасындағы елшісі болып жұмыс істеді.
2009-2013 жылдары-Қазақстан Республикасы Сыртқы істер министрінің орынбасары;
2013-2017 жылдары-Қазақстан Республикасының Америка Құрама Штаттарындағы Төтенше және Өкілетті Елшісі;
2017-2020 жылдары-Қазақстан Республикасының Біріккен Ұлттар Ұйымы жанындағы Тұрақты өкілі, Нью-Йорк;
2020-2022 жылдары – Қазақстан Республикасының Австрия Республикасындағы Төтенше және Өкілетті Елшісі, Қазақстан Республикасының Венадағы халықаралық ұйымдар жанындағы Тұрақты өкілі, Қазақстан Республикасының Словения Республикасындағы Төтенше және Өкілетті Елшісі (2022 ж.);
2022 жылдың қазан айынан бастап Қазақстан Республикасы Сыртқы істер министрінің бірінші орынбасары қызметін атқарды.
Сонымен қатар, президент 16 мамырда ДСҰ жанындағы Қазақстанның тұрақты өкілін қызметінен ауыстырды.
