Роман Скляр 2023 жылдың қорытындысы бойынша халықтың 60% — ы газға қол жеткізе алғанын атап өтті.
"2024 жылдың соңына дейін 300 мыңнан астам адам газбен қамтамасыз етіліп, 1,7 мың шақырымнан астам газ желілері жаңғыртылады, оған 194 млрд теңге бөлінді. "Бейнеу – Бозой – Шымкент 2", "Ақтөбе – Қостанай" және "Талдықорған – Үшарал" газ құбырларын салуға дайындық жұмыстары жүргізілуде", – деді ол.
Сондай-ақ, Премьер-Министрдің орынбасары Қашағанда қуаттылығы 1 және 2,5 млрд текше метр болатын екі зауыт салынып жатқанын, оларды пайдалануға беру 2026 және 2030 жылдарға жоспарланғанын еске салды.
"Қарашығанақта қуаттылығы 4 млрд текше метр болатын ГӨЗ іске қосу 2028 жылға жоспарланған. Бүгінгі таңда әлеуетті мердігер анықталды. Жаңаөзенде МӨЗ бойынша жобалау-сметалық құжаттаманы әзірлеу басталды, дала жұмыстары жүргізілуде. Енгізу 2027 жылға жоспарланған", — деп қорытындылады Роман Скляр.
2024 жылдың 2 тамызында Роман Скляр Президентке алдағы жылыту маусымына дайындық шаралары туралы баяндады.
2 қыркүйекте Қазақстан халқына Жолдауында Мемлекет Басшысы Қасым-Жомарт Тоқаев Үкіметтің басты міндеттерінің бірі халық пен экономиканы газбен қамтамасыз ету болып қала беретінін айтты.
