"2025 жылдың 3 қаңтар күні "Ана тілі" газетінде Мемлекет басшысы Қасым-Жомарт Тоқаевтың кең көлемді сұхбаты жарық көреді. Президент сұхбатта ішкі және сыртқы саясаттағы басты оқиғаларға бағасын береді. Сондай-ақ елдің биылғы саяси және әлеуметтік-экономикалық тұрғыдан дамуын қорытындылап, алдағы кезеңге арналған басым міндеттерді айқындайды", деп жазды Берік Уәли Facebook-тегі парақшасында.
Айта кетсек, бүгін 30 желтоқсанда Мемлекет басшысы Қасым-Жомарт Тоқаев биржа саудасы және кәсіпкерлік мәселелері бойынша өзгерістер мен толықтырулар енгізілген заң жобасына қол қойды. Сондай-ақ Мемлекет басшысы Корея Республикасы президентінің міндетін атқарушы Чой Сан Мокқа көңіл айту жеделхатын жолдады.