Ақорданың 2025 жылғы 30 сәуірдегі басылымында атап көрсетілгендей, жоғары деңгейдегі келіссөздер барысында қазақстандық-вьетнамдық сауда-экономикалық, инвестициялық және гуманитарлық ынтымақтастықты дамыту перспективалары талқыланады.
7 мамыр күні Вьетнам Коммунистік партиясы Орталық Комитетінің Бас хатшысы Ұлы Жеңістің 80 жылдығына орай Астанада өтетін әскери парадты тамашалайды.
Бұған дейін Қазнетте алаяқтар парадты 7 мамырдан 9 мамырға ауыстырамыз деген жалған видео таратып жатқаны белгілі болды. Демек, бұл видеодағы алаяқтар Қорғаныс министрі Руслан Жақсылықовтың сөзін жалған дауыспен пайдаланған. Қорғаныс министрлігінің баспасөз қызметі бұл ақпарат шындыққа жанаспайды деп мәлімдеді.
Ұлы Отан соғысындағы Жеңістің 80 жылдығына арналған шеру 7 мамырда Астананың бас алаңында өтеді. Оған 4000-нан астам әскери қызметші, 300-ден астам қару-жарақ пен әскери техника, соның ішінде Ұлы Отан соғысындағы әскери техника үлгілері және майдандық, армиялық және әскери-көлік авиациясының 60 ұшағы қатысады.