Мемлекет басшысы алдағы үш-бес жылға арналған жүк тасымалы компанияларын қолдау шараларын әзірлеуді тапсырды.
"Негізгі мақсат – қосылған құн тізбегін қалыптастыру арқылы мультимодальдық логистиканы дамыту. Әуе кемелерінің флотын ұлғайту транзиттік әуе желісін дамытудың өзекті бөлігі", – деді Президент.
Тоқаев Қазақстанда жүк ұшақтарының тапшылығы бар екенін де атап өтті. Осыған байланысты Үкіметке 25 жылдан асқан жүк ұшақтарына қойылған шектеуді қайта қарауды ұсынды.
"АҚШ-тағы FedEx компаниясының ұшақтарының орташа жасы – 28 жыл. UPS-та – 30 жыл, Ұлыбританияның One Air әуе компаниясында – 33 жыл. Мұндай мысалдар жеткілікті", – деді Мемлекет басшысы.
Президент жүк авиациясын дамыту Қазақстанның транзиттік әлеуетін күшейту үшін аса маңызды екенін айтты.