Ресми ақпаратты 2026 жылдың 3 наурызында Ақорданың баспасөз қызметі жариялады.
"Мемлекет басшысының өкімімен Айнұр Қамидоллақызы Серғазиева Қазақстан Республикасының Мемлекеттік қызмет істері агенттігі төрағасының орынбасары лауазымынан босатылды", – деп жазылған ресми ақпаратта.
Серғазиева бұл қызметті 2022 жылдың қаңтар айынан бері атқарып келген.
Президенттің тағы бір өкімімен Ұлан Бекіш Мемлекеттік қызмет істері агенттігі төрағасының орынбасары болып тағайындалды.