Қазақстаннан 6 шақырымдық биатлон жарысының стартына тек қысқы ғана емес, жазғы Паралимпиада ойындарының қатысушылары Сергей Усольцев пен Паралимпиада дебютанты, сондай-ақ ұлттық құраманың туын ұстаған Ербол Хамитов шықты. Екеуі де LW12 бойынша және отырып жарысады.
Бірінші болып жарыс алаңына әйелдер шықты, олардың жарысы Бейжің уақытымен таңғы 10-да басталды. Бейжің уақытымен 10:40-та әйелдер арасындағы жарыс аяқталысымен қазақстандықтардың қатысуымен ерлер жарысы басталды.
Қазақстандықтар 15-16-орындардан көрінді, дегенмен мәреге жеткен әрбір паралимпиадашы біз үшін жеңімпаз.
Сәлден кейін тік тұрып жарысатын қазақстандық атлеттер биатлоннан жарысқа түседі.
