Шенеунік матчтан суреттер жариялап, Instagram парақшасында ойынға қысқаша түсініктеме беріпті.
"Өкінішке қарай бүгін біздің команда жеңе алмады, бірақ бұл – спорт, онда жеңіс пен жеңілістер қатар жүреді. Спортшыларымыз соңғы сәтке дейін барын салғанын атап өтемін. Нәтижеге қарамастан, команда лайықты ойын көрсетті".Ермек Маржықпаев
Ол стадионды толтырған жанкүйерлерге ризашылығын білдірді.
"Стадионды толтырған жанкүйерлерді бөлек атап өткім келеді. Қолдау жоғары болды. Солтүстік Ирландиямен ойында да осындай ыстық қолдау болады деп үміттенемін".Ермек Маржықпаев
"Ал біздің жігіттерімізге жексенбілік матчта жеңіс тілеймін. Біз сіздермен әрқашанда біргеміз!", – деп жазды спорт министрі.
Кеше, яғни 2023 жылғы 7 қыркүйек күні "Астана Арена" стадионында 2024 жылғы Еуропа чемпионатының іріктеу кезеңі аясында Қазақстан мен Финляндия құрамалары арасында көптен күткен футбол ойыны өтті. H кіші тобының көшбасшыларының текетіресі Финляндия құрамасының жеңісімен аяқталды. Есеп: 1:0.
