Sportarena.kz мәліметінше, әлемнің екінші ракеткасы атанған Рыбакина үшінші айналымда әлемнің 25-ракеткасы, канадалық Лейла Фернандеспен кездесті.
Кездесу 3 сағат 2 минутқа созылып, 6:7 (5:7), 6:4, 7:6 (8:6) есебімен Рыбакинаның пайдасына аяқталды.
Матч барысында Рыбакина 7 рет эйс жасап, 8 қос қателікке жол берді. Сондай-ақ ол мүмкін болған 8 брейк-пойнттың 4-еуін сәтті пайдаланды.
Ал қарсыласы 6 эйс жасап, 6 қос қателік жіберді және 14 брейк-пойнттың 3-еуін ғана жүзеге асырды.
Бұған дейін теннисші Даниэль Тазабеков жасөспірімдер арасында Франциядағы турнирдің финалына жолдама алғанын жазғанбыз.