Оңтүстік-батыс шекарадағы АҚШ шекарашылары енді робот иттер патрульдерін пайдаланады. Бұл туралы АҚШ ішкі қауіпсіздік департаментінің баспасөз хабарламасында айтылды.
АҚШ шекара қызметі офицерлері ойлы-қырлы жерлерде жоғары температурада, ылғалда адам саудалайтындар, контрабандашылар сияқты қауіпті қылмыскерлермен күресуі керек. Мұндайда енді оларға робот иттер көмектеседі.
Автоматтандырылған роботтар жерді бақылайтын болады. Ghost Robotics компаниясының өнім директоры Гэвин Кеннеллидің айтуынша, робот ит арнайы жердің кез келген түрін патрульдеу үшін жасалған. Баспалдақтарды да, тас жартастарды, төбелерді де еңсере алады.
Роботтың салмағы — шамамен 45 келі. Бұл иттерді ұрыста қолданылған жасанды интеллектпен де жабдықтауға болады. Сонымен қатар олар теміржол вокзалында пойыз вагондарын, резиденцияларды тексере алады және қаскөй адамдарға қарсы әрекет ете алады.