The Guardian мәліметінше, The New York Times жасанды зердені жасаушыларды авторлық құқықты бұзды деп айыптайды. Мысалы, ChatGPT-ты америкалық газеттегі мақалаларды оқыту есебінен дайындаған.
Шағым Манхэттеннің федералды сотына келіп түсті. Онда ChatGPT әртүрлі көздерден алынған көптеген мақалаларды "оқығанымен", тілдік модельді жаттықтыру кезінде The New York Times басылымына ерекше назар аударылғаны айтылған. Басылымның пікірінше, ол журналистік сапалы материалдар әзірлеуде газеттегі түпнұсқаны рұқсатсыз және ешқандай төлемсіз пайдаланғанады.
The New York Times ChatGPT-ты жасаушылар ботты оқытуда гатеттің жаңалықтарын, маңызды журналистік зерттеулерді, авторлық бағандарды, шолуларды және басқа да көптеген мақаланы пайдаланғанын айтады.
Айта кетсек, қыркүйек айында бір топ америкалық жазушылар, соның ішінде "Тақтар ойыны" кітабының авторы Джордж Мартин өз романын заңсыз пайдаланғаны үшін OpenAI-дің үстінен арызданған болатын.