Өндірушінің ресми мәліметінше, бұл модель негізінен әйел жүргізушілерге арналған. Сондықтан оның салонында ыңғайлылыққа арналған бірқатар ерекше мүмкіндіктер қарастырылған.
Атап айтқанда, көлікте:
- макияж жасауға арналған үлкен айна;
- суретке түсіп, оны бірден әлеуметтік желіге жүктеуге мүмкіндік беретін селфи-камера;
- салонды қысқа уақытта жылытып беретін Warm Man Mode арнайы режимі бар.
Сурет: oraev
Сонымен қатар жаңартылған Ora Ballet Cat жаңа электрқозғалтқышпен жабдықталған. Оның қуаты бұрынғы 169 ат күшінен 201 ат күшіне дейін артқан.
Сондай-ақ көліктің ең жоғары жылдамдығы сағатына 154 шақырымнан 180 шақырымға дейін ұлғайған.
Бұған дейін Mercedes-Benz ең қуатты электромобилін таныстырғанын жазғанбыз.