Ұлттық экономика министрінің айтуынша, сыртқы жағымсыз факторларға қарамастан, 2022 жылдың қорытындысы бойынша Қазақстан экономикасы 3,1% деңгейінде тұрақты өсімге қол жеткізді.
"Нақты сектордағы өсім 3,2%, қызмет көрсету саласында - 2,5% болды. Оң өсу қарқыны құрылыс, ауыл шаруашылығы, ақпарат және коммуникациялар, сауда, көлік және қойма шаруашылығы, өңдеу өнеркәсібі салаларында тіркелді". Әлібек Қуантиров
Ол тау-кен өнеркәсібінде өсу қарқыны 1%-ға төмендегенін қосты. Негізгі капиталға салынған инвестицияның өсу қарқыны 7,8 пайызды құрады.
"Экономиканың негізгі салаларында инвестиция көлемі жылжымайтын мүлікпен операцияларға 15,4%-ға, ауыл шаруашылығына – 6,9%-ға, көлік және қойма шаруашылығына – 5,5%-ға, өнеркәсіпте – 5,6%-ға, оның ішінде тау-кен өнеркәсібінде өнеркәсіп – 14,2%-ға өсті. " Әлібек Қуантиров
Өңірлік тұрғыда Қызылорда, Жетісу, Маңғыстау және Алматы облыстарында, сондай-ақ Шымкент пен Астанада үздік көрсеткіштер атап өтілді.
2022 жылдың 19 қазанында Қазақстан үкіметі 2023-2025 жылдарға арналған ІЖӨ болжамын жариялады.