Министрдің айтуынша, қазірдің өзінде көктемгі дала жұмыстарына ауыл шаруашылығы өнімдерін өндірушілерге дизельдік отын жеткізу кестесі бекітілген.
"2023 жылы көктемгі дала жұмыстарына барлығы 413 мың тонна дизель отыны бөлінеді. Құны - тоннасына 222 мың теңге немесе литріне 184 теңге".Болат Ақшолақов
Ол шаруалар үшін дизель отынының қозғалысын бақылау мен ашықтықты қамтамасыз ету үшін бірқатар шаралар қабылданғанын айтты. Дизельдік отынның біркелкі сынамасы бар бекітілген кестеге қосымша дизельдік отынның жеке ПИН-кодтары да алынды. Операторлар электрондық шот-фактура ақпараттық жүйесінде дизель отынына жеке виртуалды қойма құрды. Бұл ретте Энергетика министрі дизель отынын мұнай өңдеу зауыттарынан тұтынушыларға жеткізу құнын оператор дербес белгілейтінін нақтылады.
"Ауыл шаруашылығы тауар өндірушілерінің операторлары келісімшарттарға, өтінімдерге, төлемдерге қол қою және вагон-цистерналарды мұнай өңдеу зауытына жеткізуді аяқтағаннан кейін зауыттар дизельдік отынды жөнелтуге дайын. Жалпы алғанда барлық жоспарланған көлем толық орындалып жатыр. Мәселе ҚР Энергетика министрлігі мен "ҚазМұнайГаз" ҰК" АҚ тұрақты бақылауында".Болат Ақшолақов
Өз кезегінде ҚР Ауыл шаруашылығы министрі Ербол Қарашүкеев биыл жалпы егіс көлемі 23,4 млн гектар болатынын, бұл 2022 жылмен салыстырғанда 68,6 мың гектарға артық екенін айтты. Дәнді және бұршақ дақылдарының егіс алқаптарын 117 мың гектарға, мал азықтық дақылын 36,5 мың гектарға және қант қызылшасын 6,7 мың гектарға ұлғайту жоспарланып отыр.
"Нарық конъюнктурасының өзгеруіне байланысты мақсары, соя және қыша сияқты кейбір майлы дақылдардың егіс алқаптарының аздап қысқаруы болжанып отыр. Сонымен бірге мұндай мақсатқа арналған күнбағыс сияқты әлеуметтік маңызы бар дақыл алқаптарын 30,8 мың гектарға ұлғайту жоспарланып отыр".Ербол Қарашүкеев
Министр көкөніс және бақша дақылдары мен картоп үшін егіс алқаптарын 11,1 мың гектарға ұлғайту жоспарланып отырғанын атап өтті.
Ылғалды көп қажет ететін дақылдарға келсек, биыл өткен жылмен салыстырғанда мақта алқаптары 14,8 мың гектарға азайып, 111,4 мың гектар болады деп болжанды.
Осы ретте, 20 қаңтарда премьер-министр Әлихан Смайылов ішкі нарықты жанар-жағармаймен қамтамасыз ету мәселелері бойынша кеңес өткізді. Онда шекарада өзге мұнай өнімдерін атын жамылып дизельдік отын мен бензинді заңсыз әкету әрекеттері тіркелгені айтылған.
