"Қазгидромет" орталығының синоптиктері 30 қарашаға арналған ауа райы болжамымен бөлісті, деп хабарлайды Zakon.kz.
Маңғыстау облысында ауа райы құбылмалы болады, орталығында шаңды дауыл соғады. Оңтүстік-шығыс, батыс, облыс орталығында желдің екпіні 15-20 м/с жылдамдыққа жетеді.
Ақтауда күндіз шаңды дауыл болады. Оңтүстік-шығыстан жел соғады, күндіз екпіні 15-18 м/с жетеді.
Батыс Қазақстан облысының солтүстік-батысында, солтүстігінде көктайғақ болады. Облыстың солтүстігінде тұман түседі. Оңтүстік-шығыстан, оңтүстіктен жел соғады, екпіні 15-20 м/с жетеді.
Оралда күндіз көктайғақ болады. Түнде және таңертең тұман түседі. Оңтүстік-шығыстан, оңтүстіктен жел соғады, күндіз екпіні 18 м/с жетеді.
30 қараша - 2 желтоқсан аралығында Қызылорда облысының солтүстігінде тұман түседі.
