Алматыда қар шығару жұмыстарын бақылау үшін тәулік бойы кезекшілік ұйымдастырылды

Алматы, қар, сурет - Zakon.kz жаңалық 26.01.2024 20:40

Сурет: Алматының коммуналдық инфрақұрылымды дамыту басқармасы

Алматыда 26 қаңтарда 04:00-ден 12:00-ге дейін 3 сантиметр қар жауды. Қар жауғанға дейін негізгі магистральдық көшелер реагенттермен өңделіп, сағат 05:00-ден бері 640 тонна көктайғаққа қарсы материалдар қолданылды, деп хабарлайды Zakon.kz.

Тротуарлар мен жалпы пайдалану орындары, қоғамдық көлік аялдамалары мен жаяу жүргіншілер өткелдерінде қар қолмен күрелді.

"Жол патрульдік полициясының еріп жүруімен 10 колонна көлік қарды күреді. 458 арнайы техника, атап айтқанда 153 құм таратқыш, 169 тротуар тазалағыш шағын техника, 45 қар тиегіш, 69 өзі түсіргіш жүк көлігі және 1224 жұмысшы жұмылдырылды. 17 қаңтарда соңғы жауған қардан кейін сағат 18:00-дегі жағдай бойынша 90 мың м3 қар шығарылды". Алматының коммуналдық инфрақұрылымды дамыту басқармасы

Түнгі уақытта 412 бірлік арнайы техника мен 265 жұмысшы жұмылдыру жоспарланған. Аудан әкімдіктерінде жұмысты бақылау үшін 24 сағаттық кезекшілік ұйымдастырылды.

Оқи отырыңыз