Су тасқынынан зардап шеккен қазақстандықтар жаңа үйлер салуға көмектесуде
Сурет: Қостанай облысы әкімдігі
Министр барлық үйлер Қазақстандағы талаптар мен стандарттарға сәйкес салынып жатқанын айтты.
Сондай-ақ, ол құрылыстың сапасын кем дегенде бір мемлекеттік орган, технадзор және су тасқынынан зардап шеккен өңірлердің тұрғындары бақылап отырғанын атап өтті.
"Үйлер ең алдымен алдағы жылы осындай су тасқыны жағдайынан аулақ болатын жерлерде салынып жатыр. Іргетастары берік қалануда. Құрылыс орнында техникалық қадағалау арнайы компаниялар мен атқарушы органдар арқылы жүзеге асырылады. Мен және менің орынбасарларым үнемі өңірлерге барып, жағдайды қадағалаудамыз", - деді Қанат Шарлапаев.
Сондай-ақ, ол зардап шеккен ауылдардың тұрғындары құрылыс жұмыстарының барысын үнемі қадағалап отырғанын және оларға өздері де қатысып жатқанын айтты.
"Көптеген жерлерде үйді жергілікті тұрғындар салып жатыр... Олар өздері үшін және көршілері үшін салады. Өңірлерде жұмыс істейтін көптеген құрылыс компаниялары сол ауылдардан шыққан. Бұл жағдайда мен мұны қазақ асары деп санаймын", – деп түйіндеді Қанат Шарлапаев.
Асар — қазақы ортада ауқымды да күрделі жұмыстарды ауылдас-руластарының - жетіаталық экзогамиялық ру-қауымның негізгі құрамдас бөлігі біраталардың бірлесе атқару харекетінің атауы. Мысалы, егіншілік дамыған өлкелерде арық, кәріз қазу, тазалау секілді суландыру жүйесіндегі жұмыстарды, сондай-ақ, үй тұрғызу, қора-қопсы салу сияқты құрылыс жұмыстарын асар жасау арқылы атқарған. Қазақ ауылында бір отбасының қолынан келмейтін күрделі, көлемді жұмыстарды атқару үшін бірнеше ауылдың адамдары асарға шақырылады. Асарға шақырылғандар еңбегі үшін төлемақы талап етпейді, асарға шақырушы адам оларға жақсы ас әзірлеп, дастарқан жаяды.
